Ut spiritui sancto, qui te preelegit non sis contraria,
te rogamus, audi nos.
Ut regi subvenias, te rogamus, audi nos.
Ut clericis et laicis subvenias, te rogamus, audi nos.
Ut omnibus christianis subvenias, te rogamus, audi nos.
Ut pereunti mundo succurras, te rogamus, audi nos.
Oremus. Famulam tuam Adelegidam, quam elegisti ab
initio, conserva, quesumus, domine, in tuo servitio, ut per
eam te duce fiat pax in ęcclesiis tuis ad perpetuum gaudium
humanę salutis per dominum nostrum.
CAP. XII.
Domne primę vocali frater BENZO
lignum scientię boni
et mali in pinguedine terrę et in rore cęli. Auribus percipe
verba oris mei, cum sim fidelis et cotidie dictis et factis
ostendo meam fidelitatem. Cur opponis, o domina, meę fidei
duriciam cordis atque incredulitatem ? Licet converser in
miseria, tamen per me, ultimum servum suum, revelat tibi