6. Qualiter scribitur comitibus
Generoso ac sublimi viro, vel magne et nobilitatis et excellencie
viro, vel nobili et excelso viro domino .F. comiti de Lomello, vel domino
Zano de Carpinea, vel domino Friderico comiti de Montefeltro
Tellus de Rustano capitaneus salutem et felicia felicibus cumulare, vel
salutem et cuncta que desiderat obtinere, vel salutem et de parte adversa
mirifice triumphare.
Capitulum V
DE SALUTACIONIBUS AD SOLDANUM,
INFIDELES ET INIMICOS AD INVICEM
1. De soldano
Si rex aliquis scriberet soldano, non ex collacione benivola vel
amicabili, sed ob aliquam necessariam causam, premittit se sine salute,
eo quod non decet infideles et sequaces diaboli honorare. Et dic sic:
Philippus Dei gracia rex Francorum procuratori Sathane soldato Babilonie
in laqueos incidere quos tetendit, vel pro salutem merorem, vel
salutem quam meruit adipisci. Si autem ei scriberetur non ex causa
turbacionis, sed ex aliqua necessitate, poterit sic dici: Aldenasius rex
Dacie, vel Ungarie, vel Armenie potentissimo viro soldano Babilonie
salutem et quidquid placet; vel verbis monitorils vellet sic loqui: Viam
veritatis agnoscere et agnitam sequi, vel sic: Nube necessitatis deposita,
consequi consilium salutare, vel erroris pravitate relicta, Christi
adherere fidei, sine qua nemo umquam poterit salvus esse. Et sic salutari
poterunt quicumque alii infideles. Cum vero Veneti vel Ianuenses,
quos oportet necessario racione suarum mercacionum cum sarracenis
non solum amicari ei, verum eciam, quamquam invite fortassis, reverenter
et honorifice pertractare soldanum, volunt ei transmittere aliquas
litteras, scribendo ipsas litteris aureis et muniendo aurea, sic salutant:
Excellentissimo principi, sive regi domino Malechnasser Cheri, Babilonie,
Hemam, Adhelapi, Damiate et Tripolis soldano .F. Fuscarus
Venetie, Dalmatie, vel Jacubus de Arisaldis potestas totaque communitas
Ianuensis salutem et honoris et glorie incrementum, vel salutem
et honorifice ferre regalis culmina dignitatis. Et nota quod istud nomen
Malchenassar sonat in lingua sarracena hoc, scilicet, rex victoriosus.
Alia sunt nomina civitatum suarum malorum quas ponit in suo titulo.
|
|