de terra eicere et omnia eorum bona, ut ex prefacto apparuit,
eis auferre, tandem quasi exanimes facti eis respondere se
velle cum sapientibus de Laude inde consilium habere. Cumque
vero Laudenses inde consilium habuissent, Mediolanensium
consulibus responderunt: se velle iurare stare in eorum
precepto et omnia facere et attendere, quecumque eis de quibuscumque
causis preciperent, salva tantummodo fidelitate
domini Frederici imperatoris, quam ipsi Laudenses per consensum
et parabolam Mediolanensium consulum iamdudum
ei fecerant. Mediolanensium autem consules predictum
sacramentum sic recipere se recusantes et hoc verbum —
scilicet "salva imperatoris fidelitate" — in ipso sacramento
ponere eos non dimittentes, dicentes etiam et omnimodo
minantes, quod, nisi ipsum sacramentum eis sine ullo tenore
facerent, quod ipsi eos in bannum publice ponerent ac eos
de terra eicerent et omnia eorum bona eis auferrent. His
autem dictis Mediolanum reversi sunt.
Consules itaque Laudenses dominum Lafrancum Laudensem
episcopum et item dominum Lafrancum maioris
ecclesie prepositum nec non etiam alios omnes prepositos
|
1
5
10
15
20
|