et ibi immensum gaudium habui et palmam in ipso lavi et de virgis. que
nascuntur super ripam fluminis. recepi et de lapidibus alvei. O benedicte
Jordanis. laus sit Deo. qui dedit michi gratiam te videre.
In hoc fluvio Jordanis et in hoc loco sanctissimo. Deus multa mirabilia
ostendit. quia. dum ipsum transivit cum populo Israhelitico.
Jordanis dedit locum transeuntibus. quia aque superius steterunt et aque
inferiores descenderunt. et sic sicco pede transierunt. In hoc fluvio.
Naaman. princeps regis Syrie. leprosus. ad mandatum Helysei prophete
lavit septies et sanatus est. In hoc fluvio. quidam propheta incidens ligna
cum securi super ripam. ferrum exiens manubrium in aquam cecidit. sed
ad mandatum Helysei ferrum de profundo fluminis supernatavit. Istum
fluvium Helyas propheta sicco pede transivit cum Helyseo. Super istum
fluvium. venit Johannes Baptista. baptizans et predicans baptismum
penitencie et remisionem peccatorum.
In hoc sanctissimo fluvio. dignatus est Jhesu Cristus a sancto suo
servulo beato Johanne baptizari, ubi sancta Trinitas est demonstrata.
UItra istum fluvium. sunt pulcre ville et cassalia et orti et jardini. et
nascuntur ibi canamelle ad faciendum cucarum et sunt ibi loca amena.
longe tamen a fluvio. Ultra Jordanem. est terra Moab et terra Amalech.
quas expugnaverunt filii Israel. tempore Moysi. et est desertum. ubi steterunt
XL annis. et durat usque ad montem Synay. qui est prope Sanctam
Katherinam. et durat per Xij dietas magnas: et fecerunt in illo deserto XLij
mansiones. et ibi multa miracula fecit Deus.
Iste Jordanis fluit ab isto loco per quinque miliaria et intrat Mare
Mortuum. Verum est quod Jordanis incipit in superioribus terminis
terre promissionis et fluit per centum miliaria. et tunc ingreditur istud
mare pessimum et adeo blasphematum: nam. ut legitur Genesis. erant iiijº
civitates. ubi habitabant iiijº reges et vocabantur Sodoma. Gomorra.
Adama et Seboim. et erat illa provincia plena omnibus bonis et deliciis.
et in tantum. quod vocabatur paradisus: sed homines illarum civitatum
in tantum erant peccatores et pleni omnibus sceleratis operibus quod
Deus misit angelos suos. qui. non invenientes aliquem bonum. nisi Loth.
nepotem Abrahe. et uxorem et duas filias suas. preceperunt istis quatuor.