partibus suprascriptis, prefatus P eidem B libellam obtulit
tenoris et continencie infrascripte: coram vobis venerabili
viro domino archydiacono Symone Bononie, domni pape
iudice delegato, dicit et proponit P etc, ponatur tenor tocius
libelli, demum dicatur sic:
Super quo quidem libello per iam dictum P ex una
parte et Iacobum de . . procuratorem dicti R procuratorio
nomine pro eo ex altera litis contestacione facta legittime,
et per utrumque ipsorum iuramento calumpnie ac de veritate
dicenda sollempniter prestito coram nobis, exhibitis
hinc inde posicionibus, et ad eas responsionibus subsecutis,
datisque ab utraque parte articulis, et super ipsis
productis testibus et instrumentis quam pluribus, et ipsis
testibus examinatis sollempniter, ac postmodum de voluntate
earundem parcium publicatis, eedem partes — aliis probacionibus
omnibus in posterum faciendis renunciantes —
in ipsa causa sponte ac voluntarie concluserunt.
Nos itaque, visis ac diligenter inspectis libello, posicionibus
ac responsionibus ad easdem, instrumentis et attestacionibus
testium predictorum, terminis et aliis omnibus
et singulis inter ipsas partes factis et habitis coram nobis,
ac etiam visis ac consideratis ac diligenter auditis utriusque
partis iuribus et allegacionibus quas ipse partes
ostendere allegare et dare in scriptis vel oretenus dicere
volunt, et super hiis omnibus habito quam plurimorum
peritorum consilio, et nobiscum deliberatone, solum
deum pre oculis habentes, et eius nomine invocato, auctoritate
domini pape qua fungimur in hac parte in scriptis
sentencialiter diffinimus et diffiniendo pronunciamus et sentenciamus,
appellacionem predictam pro parte dicti R
interpositam iustam ac legittimam esse, ipsam sentenciam
a prefato domino episcopo latam et quidquid ob eam vel
ex ea factum est irritantes quod nullius est valoris atque
momenti, ac nostra sentencia decernentes — vel sic:
pronunciamus et sentenciamus, bene appellatum esse per R
|
|