Bonus Lucensis: Cedrus Libani

Pag 35


35. CONCLUSIO
Conclusio est que breviter colligendo infert
id quod provenit ex predictis, hoc modo: Si igitur reverendos
facere nequeunt dignitates, si ultro improborum
contagione sordescunt, si mutatione temporum
splendere desinunt, si gentium existimatione vilescunt,
quid est quod in se habeant pulchritudinis expetende
nedum aliis tribuant
?
et vocatur iste color epilogus .
XXV.
DE DECEM COLORIBUS SEQUENTIBUS
Decem colores alii qui sequuntur ab usitata verborum
potestate recedunt et quasi novam induunt venustatem.
Omnes etiam tropi a gramaticis nominantur;
quorum primus grece dicitur onomatopeia , latine
nominatio .
1. NOMINATIO
Nominatio est cum rem aliquam propter necessitatem
non suo verbo, sed alio idoneo, nominamus,
hoc modo: Fragor civitatis auditur et iste fenerator a
populo sibilatur
.

Torna all'inizio