Benzo Albensis : Ad Heinricum IV. imperatorem libri VII

Pag 542


Post hec ventum est ad Romam summere imperium,
Sed turbavit Agarenus nostrum desiderium;
Viam sepsit, qua transitur ad Petri pomerium.

Nunc scitote, quot sit plenus vir ille demonibus,
Qui avertit seniorem ap propriis domibus.
Iustum est, ut his tradatur pardis et leonibus.

Rex ad Petrum pavens ire cum effuso sanguine,
Per quem sperant expiari peccatorum animę,
Foris stetit per quot dies cum irato agmine.

,,Sicut avus atque pater" inquit ,,nudis pedibus
Quęsierunt sanctum Petrum in sacratis hedibus,
Ita est mea voluntas cum meis fidelibus."

Audi, Christe, regis vocem, exauditor omnium,
Contumatiam elide superborum hominum
Et in cunctis creaturis te ostende dominum.

Porticanos rex dimittens transmeavit fluvium;
Omnes currunt velut aque, quas urguet diluvium;
Dare fidem seniori omnibus est studium.

Urbibus rex ordinatis et locis muniminum
Dereliquit Gomorreos, amatores criminum;
Lento pede iter habens devenit Ariminum.

Torna all'inizio