item, Iohannes filius Petri de Respampino refutavit in hoc monasterio
terram de Terrentiano iuxta cavam de Morico, et iuxta
ecclesiam Sanctę Cęcilię, ex omnibus tertiam partem item, pręsbyter
Grimaldus et filii Teuzę refutaverunt terrann infra civitatem
Gabis quę vocatur Turris. item, Rodulfus filius Iohannis dedit in
hoc monasterio de Marciliano medietatem casalis quem tenuerunt
ad laborandum Franco Adonis et Berardus gabiliarius. item,
Iohannes et Stephanus filii Stephani cum suis consortibus refutaverunt
casalem Alenianum in integrum. item, domnus Hugo
abbas convenientiam et obligationem fecit ad domnum Octavianum
et suos filios atque nepotes legitimos de terra et ecclesia
Sanctę Marię in Massa ad Formellum quas domna Rogata coniux
eius in hoc monasterio concesserat, eodem viro suo consentiente,
cum omnibus pertinentiis et quantacumque pręsbyteri ipsius ęcclesię
acquisierant in ipso vocabulo, et de aliis tribus casalibus
ibidem, idest casale de Petroccio, casale Leonis Sabinensis, et
casale Petri de Leone ferrario, cum omnibus eorum pertinentiis.
de quibus omnibus constituit ut nec ipsi nec sui successores licentiam
habeant ab hoc monasterio suptrahendi neque dandi per
libellum aut aliquo modo nisi ad laboratores pro parte reddenda.
quod si alienare vel suptrahere pręsumpserint, et probatum non
emendaverint, tunc suprascriptus domnus Octavianus aut filii vel
nepotes legitimi predictam ęcclesiam cum casalibus et pertinentiis
reprehendere et ad suam proprietatem revocare licentiam habeant
sine ulla calumnia. et si postea abbas ipsas res contempserit,
componat illi tantum prętium quantum de ipsa terra tunc
fuerit ęstimatum. item prędictus domnus Hugo abbas fecit
convenientiam cum domno Landuino abbate monasterii Domini
Salvatoris de Letenano seu et Boiano de placito sive districto
totius massę Bucciniani quę acquisierat a pontifice Romanę Sedis
ad opus huius monasterii perpetualiter tenendum, ut homines
ad placitum duceret idem abba Hugo vel eius successores, sicuti
comites Sabinensis comitatus antea facere solebant. rogatus vero
|
|