subblissimum pulverem redige et cum farina tritici admisce eodem
pondere, et cum succo rute distemperatis paniculos compone;
deinde coque inter duas pastas et cum opus fuerit, paniculum
calidum ex troasverso per medium divide, oculis apertis applica
ut fumum oculi recipiant et calorem. Sanguis draconis cum
unguento citrino idem valet.
De rubedine oculorum. — Cum quidem oculi calore solis vel vicinitate
ignis rubescunt, statim ita succurrimus: Cimarum rubi
succus cum rosacea mixtus et panno superpositus multum confert.
Succus solatri cum albumine ovi superpositus similiter operatur;
etiam cime rubi albi cum albumine ovi idem faciunt; ypoquistidos
eodem modo paratum juvat. Item sandali albi et rubei, gummi
arabici tere et eum rosacea aqua distempera et panno infuso
oculis superpone.
De lippitudine. — Loccipitia est lippitudo dura qua mane oculos
facit tenere clausos ita ut vix aperiantur; qua cum fit ex flegmate
taliter curatur: rosas siccas in aqua bullies et calida colatura frequenter
oculos laves. Si fuerit ex colera, frigidis utaris; vel aqua
pluviali frigida idem fac.
De eodem si pueris supervenerit. — Ad lippositatem puerorum
vel aliorum, oleo pulegino vel laurino vel muscelino caput inungas,
deinde pulegium tritum et testa valde calefactum saccoque inclusum
capiti superpone.
De fluxu lacrimarum. — Ad fluxum lacrimarum caput purgium
facias de diacastoreo et olibano, masticem, bolum cum succo rapistri
distemperatum petia fronti superpone et timporibus; mire
stringit. Cum circa noctem videre non possunt, de vena angulari
que circa visum est sanguinem minuas, deinde cocturam ibi facias
et sic curabitur.
De pustulis in fronte. — Ex flegmatica materia pustule nascuntur
in fronte que dure sunt et compacte et ad removendum difficiles;
tamen ita removebis: in primis utaris ruptoriis usque ad vivum
corrosivis, ad ultimum consolidativis. Ruptorium ita facias:
auripigmentum cum lacte titimalli distempera, vel calcem vivam,
vel cantarides in testa avellane super pustulas pone. Ruptura facta,
pulverem hermodactilorum inicias vel pulverem galle, vel calcuccumenon,
vel lepidos calcis, vel viride eris, quod cum aceto et ruta
in pelvi componere novisti; dragagantum ad ultimum, masticem,
mirre, aloen, singillatim tere et commisce; deinde intromitte
et miro modo consolidat; vel mastix cum aloe cum rosis, vel olibanum
cum aloe, idem faciunt.
De casu ciliorum et capillorum. — De casu ciliorum necnon et
capillorum dicendum est, quod aliquando caliditate, aliquando, ut
novisti, frigiditate fieri habet. Cum ex caliditate, cutis calida sentitur;
quando ex frigiditate, frigida. In primis serpentis nigri caudam
et caput incide et in patella cum oleo coque et unguento tali
crebro cilia et caput inunge. Item in olla nova bene accensa anguillas
uritas in pulverem redige et distemperato cum oleo et melle
|
|