solutionis exinde faciendam, promittens solutionem
sibi exinde factam, ratam et firmam habere.
DE PROCURATORE AD FACIENDUM ALIQUEM REBANNIRI.
Cum talis fecit talem suum procuratorem coram potestate
Florentie et eius iudice et militibus, sive notario,
ad procurandum et faciendum talem pro eo exbanniri,
tempore talis potestarie, in libris tot, et rebanniri, extrahi
et cancellari de ipso banno et exbannimento; de
quibus denariis ipse vocavit bene pagatum, et ad confessionem
solutionis inde faciend(am), et omnia ac singula
necessaria facienda; et promisit de rato et cetera.
DE REPUDIATIONE HEREDITATIS.
In presentia talium, in quorum testium presentia,
talis, filius quondam I., sentiens et cognoscens hereditatem
dicti I. quondam patris, vel alterius, sibi damnosam
et honerosam esse, venit coram tali iudice, vel
potestate aut vicario, dicens et protestans se ab illa
hereditate velle abstinere; abstinuit ergo, et ipsam omni
modo refutavit et repudiavit ac renumtiavit, dicens se
ulterius a creditoribus hereditariis nullatenus velle conveniri,
nec lucrum nec dampnum ex ea consequi vel
habere, et protestatus fuit et dixit quod si in aliquo se
inmisceret, non facit tanquam heres, nec animo quod
velit esse heres, set pro iure suo, vel pro iure et ratione
matris sue, vel uxoris sue, vel talis persone.
DE RESTITUTIONE IN INTEGRUM PER POTESTATEM
VEL IUDICEM.
Verum si esset minor et peteret in integrum restitutionem
hoc addatur: et si aliquo se inmiscuerat, imploravit
a predicto iudice et vicario potestatis, se in
integrum restituere, et iuravit hec omnia et singula
observare et firma tenere et non contra hec venire aliquo
modo vel iure, nec alterius hereditario iure aliquid
ex ipsis bonis accipere vel petere aut possidere, unde
|
|