domnus Leo venerabilis abbas dicebat, ut ei per testes, secundum
legem, talem posset facere consignacionem,quomodo predicte terre
pars suprascripti monasterii sui iam per .XXXa. annos possedisset.
sed cum ipse Paldefrit comes manifestasset, quod non posset secundum
legem comprobare, iam dictas terras sibi pro parte palacii
pertinere, iudicavimus, et per nostrum iudicium eos vuadiare
fecimus tali tenore, quatenus predictus Paldefrit comes, pro parte
palacii, plicaret secundum legem, et iam dictus domnus Leo venerabilis
abbas, pro parte sui monasterii, faceret ei talem comprobacionem,
secundum legem, per testes, ut singulos ad singulos
testificando dicant: “Scio quia ille terre, per ipsos fines et mensuras,
“quas tibi Paldefrit comes monstravi, per .XXXa. annos
“possedit pars Sancti Vincencii”, et firmaret testimonia ipsa per
sacramenta, secundum legem. et de taliter inter se complendum
mediatores inter se posuerunt, et abierunt. In constituto vero ambarum
parcium se coniuncxerunt ante domnum Paldulfum gloriosum
principem: domnus Leo abbas paratus erat pro parte sui monasterii
cum superius dictis monachis, volens Paldefrit comiti de
iam dictis terris iam dictam comprobacionem facere, sicut guadiati
fuerant; et ipse Paldefrit paratus erat recipere iam dictam comprobacionem.
sed cum predictus domnus Pandulfus gloriosus
princeps taliter utrasque partes paratas esse conspiceret, ad causaciones
ipsas inter se liberandas, dixit iam dicto domno Leoni abbati,
ut adduceret ei testes suos, quos ille statim adduxit predictos
monachos, quos conspiciens gloriosus princeps interrogavit eos, si
de predictis terris testimonium reddere venissent; qui dixerunt, pro
predictis terris se testimonium reddere venisse, et tunc fecit eos
separari: Paulum diaconum duci in partem unam, et Adelpertum
in aliam; Grimoaldum vero ante se stare, quem per semetipsum
diligenter amonuit de timore Domini, ut quicquid veraciter sciret
de predictis terris, indicaret. ipse vero Grimoaldus dixit: “Scio
“quia ille terre, per illos fines et mensuras, quas Paldefrit comiti
“monstravimus, per .XXXa. annos possedit pars Sancti Vincencii”.
et amoto eo, iussit alios singillatim venire ante se, qui similiter
|
|