si debitum foret, cum voluntate monacorum fratrumque
suorum predictorum, se et suos successores, et
ipsam ecclesiam et monasterium obligando, vice et nomine
predicte ecclesie et monasterii, et pro ipsa ecclesia
et monasterio et successoribus, et proprio et privato
suo nomine, et utroque modo, iure et nomine in
solidum, hoc publico venditionis instrumento, die presenti,
iure proprio vel libellario, vendidit et dedit, tradidit
et concessit tali talem rem et cetera, ut supra
in venditione.
Set cum scriptum habueris de pretio, hoc addas: quod
pretium dicto I. pro prefacto debito usurario expediendo,
vel in predictis et pro predictis expensis, solvit
et dedit idem abbas ut confessus est.
DE VENDITIONE FACTA PRO UTILITATE ET MELIORAMENTO
ECCLESIE.
Vel aliter: talis prelatus, propositis sacrosanctis Dei
evangeliis, eorumque invocans testimonium, et dictum
testem invocando, confessus est se nil ad dampnitatem
nec ad lesionem ipsius ecclesie facere, set pro utilitate
ac etiam melioramento, videlicet pro solvendo emptionis
quam, nomine dicte ecclesie, fecit a tali de terra et reposita
tali loco, et debet terminifinari, que est satis
melior et utilior ecclesie iam dicte, et aliunde tam
utiliter solvere non poterat. Ideoque, meliora ipsius
ecclesie providendo, cum consensu et parabola monacorum
fratrumque suorum, scilicet talium presentium,
si ibi erant, se suosque successores, et ipsam ecclesiam,
et pro ipsa ecclesia et eius nomine, vice et utilitate, et
proprio et privato suo nomine, et utroque iure et nomine
in solidum obligando, per hoc venditionis instrumentum,
iure tali, vendidit, dedit, tradidit et concessit
tali et cetera, ut sopra in venditione. Set nota quod
ubicunque pro laico emente vel vendente scribuntur
heredes, debes pro clerico emente vel vendente scribere
successores, et debet prelatus promittere manu
|
|