ANNO Domini 1383, regnante serenissimo domino Karolo II,
inclitissimo rege Sicilie, frater Ioannes de Area nonnulla
predia vendidit pro reparatione monasterii Vulturnensis, penitus
combusti per fideles et rebelles sancte Romane Ecclesie et sacre
regiae maiestatis.
Tempore Ferdinandi regis cuidam Camillo Pandono consiliario
regio fuerunt vendita ab ipso rege Ferdinando infrascripta castra
abbatie Sancti Vincentii, tamquam ad regiam Curiam devoluta et
pertinentia, videlicet: castra Sancti Vincentii, Scapuli, Castilioni,
Piczoni, Castri Novi, Roccette, Collium et Cerri habitata, nec non
terras Sancti Pauli, Iannini et vallis Porcine inhabitatas, pro pretio
ducatorum sex millium de carlenis argenti, reservato annuo censu
octuaginta florenorum auri pro abbate monasterii Sancti Vincentii.
|
|