quas enumerare longum est. Finis vero inter Hyserniam civitatem,
et monasterium Sancti Vincencii ipsa Vantra decurrit. Ecclesia
quoque Sancte Marie ad Maccle, que fuit sanctimonialium,
cella Sancti Vincencii fuit cum multis possessionibus. Capriata
vero erat divisa in duas partes, medietas monasterii Almifici Vincencii,
et medietas episcopii Sancti Petri cum duabus ecclesiis Sancti
Iohannis et Sancte Marie, inibi iuxta se commorantibus, unam
episcopi, aliam vero nostri monasterii. Eu pro dolor! ibi me
direxit abbas meis, et inansi ibi per multa tempora, et omni
anno dirigebam ad nostrum cenobium centum tritici modia, et
quadraginta porcos. Foruli vero erat divisum in tres partes:
prima pars Sancti Monasterii, ubi habuit quinque casas de servis;
secunda pars episcopii; tercia puplica. Et ecclesia, Sancti Gregorii
in Matese cum omnibus territoriis, medietas fuit Sancti Monasterii,
et medietas episcopii Sancti Petri. Cella quoque Sancte
Agathe in Torcino posita, cum aliis ecclesiis sibi subiectis,
omnia fuerunt sancti monasterii Beati Vincencii.
Sue autem || tradicionis hoc tantum vir iste reliquid. Sed
cum sim sancte huius filius Ecclesie matris, enutritus infra eius
sacra viscera pietatis, libet michi <ex voce ipsius ecclesie>, iuxta
Hieremie exemplum, et nunc in his temporum angustiis pregravato,
tam <pro> recordacione preteritorum, quam presencium casu suppliciorum,
illud lamentacionis canticum personare, quod in simili
tribulacionis dolore aliquos novimus decantare. Iam enim in luctu
versa est cythara nostra, et organa nostra in voce fiencium. Sed
assit nunc sublimitas angelorum, assit senatus ille apostolorum,
assit turba martyrum beatorum, assint preciara collegia monachorum,
assit sacratus numerus confessorum, assit virgineus chorus
candidatarum, assit et multitudo catholicorum. Conveniant simul
ad domum nostri doloris, sint in supernis supplices Christo pro