Hoc tempore idem imperator conventum religiosorum episcoporum
et abbatum faciens in Aquisgrani palacii et cum multis
Francie abbatibus, inter quos eciam venerandus pater Iosue affuit,
septuaginta et duo capitula nostri ordinis generalia constituit.
tunc quoque beatissimo pape Paschali pactum constitucionis et
confirmacionis faciens et proprie manus ac trium filiorum suorum
signaculo illud corroborans, per legatum sancte Romane Ecclesie
Theodorum culatorem predicto pape transmisit, in quo decem
episcopos, .VIIIo abbates, comites quindecim, bliviothecarium,
mansionarium, et ostiarium subscribere fecit, cuius textus superius
continetur. contulit eciam ibidem venerabili patri Iosue
preceptat, sui monasterii confirmacionis, quecumque a prioribus
temporibus hoc idem monasterium donacione vel concessione
ducum, regum, sive principum aut quorumlibet oblacione possederat
fidelium, seu possidere contigerit, ut hec in perpetuum equitatis
iure sine alicuius contradiccione vel molestacione possideat.
horum textus ita continetur.
|
|