Mauricii et sociorum ejus. Hec horrea Joseph vidi a longe. sed non transivi
Nillum fluvium propter timorem Saracenorum.
In illa civitati Kayri. est locus benedictus et Saracenorum devotissimus.
ubi beata Virgo mansit cum filio suo Jhesu Cristo et Joseph:
conservatore suo. dum fugeret a facie Herodis. quum dixit angelus:
Joseph. surge et accipe puerum et matrem ejus et fuge in Egiptum et esto ibi usque
dum dicam te: et sic stetit beata Virgo in Egipto in civitate Kayro Vij annis.
usque dum reversa est in Jherosolyma et ad Terram Sanctam. post obitum
Herodis. Hunc locum ego vidi et cum devocione et reverentia ipsum visitavi. Benedictus Deus.
Prope Kayrum ad X miliaria. est locus. ubi nascitur balsamum. et
est ibi unus fons et unus puteus. de cujus aqua rigatur ille ortus.
qui est longus modicum plusquam ad jactum baliste et latus modicum
minus: et arbor faciens balsamum parva est. longa forte ut statura unius
hominis et habet folia parva. et. tempore estivo. recipiunt folia de arbore
versus solem. et stillat gutta in ampulis vitreis. et illud est optimum balsamum: postea. transeunte estate. buliunt folia et ramos illos parvos in
aqua. et inde faciunt balsamum. sed istud non est ita perfectum: de perfecto
autem pauci possunt habere. cum Soldanus habeat ibi custodes die noctuque. custodientes et colligentes et portantes: sibi tamen aliquantum
furantur et vendunt eum secrete mercatoribus et peregrinis: et est ibi unum
mirabile. quia duo boves trahunt de puteo ad aquandum ortum balsami
per totam septimanam. et omi die sabbati. hora vespertina. statim boves
cessant a labore usque ad diem lune de mane. pro verberibus nec pro terrore
aliquo volunt aliquo modo laborare. et hoc faciunt omnes boves. qui
ibi ponuntur ad laborandum. et vocatur locus Maltaria.
In loco isto. ubi nascitur balsamum. venit virgo Maria cum filio suo
Jhesu et Joseph. quum fugit a facie Herodis. [et] est unus fons et in
illo fonte lavit pluries Maria puerum suum et pannos suos. et est ibi lapis.
super quo sedebat super fontem. et omnes cristiani. qui vadunt ad Kayrum.
pergunt illuc. et lavantur in illo fonte. et ego cum socio meo lavi me in