exercitu Italiam ingredi disponamus, ut
humiliata simul et semel protervia nostrorum
rebellium, quietem nobis, et vobis ac posteris
etiam praeparemus: cumque tam magnum
negotium sine magnis expensis nequeat
expediri, universitatem vestram tenore praesentium
exhortamur, firmiter injungentes, quatenus
ad mansuetudinis nostrae gratiam, quam
in subministratione rerum pro personarum
dispendiis permittamus, nec non ad magnitudinem
tantae rei, in qua fere totus amoris nostri
cumulus aggregatur, habendo respectum
ad requisitionem, et ordinationem dilectorum
fidelium nostrorum: haec in subventione
pecuniae sicque honorifice atque magnifice providere
curetis, ut vestrorum praedecessorum
vestigiis inhaerentes, qui nos et praedecessores
nostros tenerrime dilexerunt, laudabilis
operis experimento probemini: nosque perspicaciter
videamus vos bonorum nostrorum sollicitos
et attentos esse amatores: et ut
nobis praesentibus affectionis nostrae zelo valeamus
ascribere, quicquid nobis absentibus
nostrae personae reverentiae conferetur.
Cap. V.
Regi Bohemiae, principi suo, super diversis
excessibus ducis Austriae.
Inviti trahimur ad tuam et aliorum notitiam
principum, adversus Henricum ducem