poena soldorum quinque imperialium pro qualibet noda be¬stiarum.
/*
CV. – DE TENSO POST FESTUM SANCTI MICHAELIS.
Item statuerunt et ordinaverunt quod a summitate silvarum
comunis vallis Diveri a logia de Balzio et a boccha comuni
grandi infra sit tensum usque ad festum omnium sanctorum.
Salvo et reservato quod omnes personae dictae vallis diverii
habitantes cum suis bestiis in infrascriptis locis et coherentiis
comunis vallis diverii possint et eis liceat post festum sancti
michaelis venire cum suis bestiis ad habitandum de nocte tantum
et ad non pasculandum in terris laboratis, videlicet in loco
de turrigia, in loco de catagna, in loco de rustiano, in loco de
valle cossa sine poena. Non obstantibus statutis suprascripti
comunis in contrarium loquentibus. Item quod possint pasculare
cum bestiis suis in infrascriptis locis et territoriis, videlicet
in canedo, in drenza et in muriaga octo diebus exeunte
mense octobris non obstantibus statutis.
CVI. – DE LICENTIA CONSULUM.
Item statuerunt et ordinaverunt quod consules vallis diveriis
qui fuerint pro temporibus possint et eis liceat a festo
sancti Bartolomei apostoli ultra dare licentiam tenendi aliquas
bestias lacteras extra montes pro pueris infirmis et aliis
miserabilibus personis dictae vallis diverii. Non obstantibus
statutis suprascripti comunis in contrarium loquentibus.
CVII. – DE NEMORIBUS TENSATIS IN LOCO TRASQUERA.
Item statuerunt et ordinaverunt quod omne nemus cuiuslibet
maneriei sit et est debeat tensum esse in loco de Cornero,
videlicet a saxo de pozolo in intus et a muro de la saltra infra,
a ploda de vaciis inferius et a via alpis sursum. Exceptis brinzolis
et genestris. Et hoc sub poena soldorum quinque imperialium
pro qualibet planta.
CVIII. – DE TENSO IN OVIGO.
Item statuerunt et ordinaverunt quod omnis persona comunis
vallis diverii habitans cum suis bestiis in loco de cortigio
debeat manere cum suis bestiis in dicto loco de cortigio
octo diebus post festum sancti Michaelis. Et quod non debeat
transire scoprinum de Otinaciis in intus. Et hoc sub poena
soldorum quinque imperialium pro qualibet noda bestiarum.
|
|