Pag 124

vico Capitis Gauri per Padum antiquum navem dimittes
per millia passuum circiter .viii., per
portum Volane pelagus Adriaticum remis pulsabis.
Si a ripa civitatis Ferrarie solveris navem et
petendo ripam adversam navem diriges per partem
fluminis Padi que dicitur Fossa, post tria
millia passuum navigata dextra ripa
turrim Fosse adibis. Ibi de Pado exitur per
canale Fosse et itur versus meridiem per duo
millia passuum usque ad turrim Pontonarie
que ditionis Ferrarie est, a quo loco navibus poteris
vehi Bononiam. Si pontem Pontonarie
eques vel pedes transieris, itinere terrestri
accedere valebis Bononiam. A turri Fosse denavigando
per Padum per millia passuum circiter
.xviii. leva ripa ad oppidum Argentam
devenies. Ibi opposita ripa dextrorsum
exitur Pado per canale in paludes usque
in trivium canalium. Si destrorsum navigabis
devenies ad vicum Canali, qui portus est quo
itur Bononiam. Si sinistrorsum navem ages, pervenies
ad vicum Capitis Silicis, qui portus est Imole atque
Faventie. Ab Argenta per tria millia navigatur
deorsum usque ad ruptam sancti Blasii
sitam dextra Padi, per quam per paludes
itur ad portus Romaniole et usque Ravennam.
A rupta sancti Blasii descendendo