modo: 'Iste, quasi coclea cum suarum rerum substantia se abscondens,
cum tota domo tacitus, ut pereat, auferetur'. (7) Ita
contingit de multis miseris qui cum rebus suis ad modum testudinis
se occultant et ipsi postea a milvo, id est a diabolo, raptu
tacito rapiuntur.
61. (1) EFFECTIO.
(2) Effectio est forme corporis alicuius effictio quedam satis
intelligibilis et expresa. Et vocatur iste color caracterismus (3)
et fit hoc modo: 'Is de quo loquor est ruffus, brevis, canus, incurvus,
cesius et sub crispus, abens in mento etiam cicatricem'.
62. (1) NOTATIO.
(2) Notatio est cum alicuius natura certis describitur signis,
scilicet quando per dicta vel facta virtus sive vitium alicuius notatur.
(3) Et hec habet maxime in comediis locum, ubi mirabiliter
representantur mores, quasi note quedam, naturis hominum
attributi, (4) ut si velis non divitem sed ostentatorem pecunie
describere (5) ita dicas: 'Hic annullum cum sinistra demostrat,