faciendi in Vulturno fluvio, iusta murum Capuane civitatis,
in omni loco prefati fluvii, qui iuste ab eis et legaliter cognoscitur
detineri. concedimus quoque et corroboramus, ut nullus ex servis
aut ex familia eiusdem monasterii, vel eos quos cortisianos vocant,
audeant inquietare, aut ad pupplica, vel comitum placitum
ducere, aut iudicare, neque in domibus vel casis eiusdem monasterii
iudicium, aut placitum tenere, nisi abbas prefati cenobii, aut
suus missus, ante cuius conspectum omnes sui residentes, sicut ante
nostram presenciam legem faciant, et recipiant. neque placiaticum,
portaticum, pontanicum, casaticum, quisquam homo, aut puplice
rei exactor tollere aut exigere presumat. Si quis autem, quod
non credimus, hanc nostram institucionem vel confirmacione[m] infringere
temptaverit, sciat se compositurum auri optimi libras mille,
medietatem Camere nostre, et medietatem iam dicto abbati, et suis
successoribus. Quod ut verius credatur, diligenciusque ab omnibus
observetur, presentem paginam, manu propria roborantes,
anulum nostrum inferius imprimere iussimus. Signum domni secundi
Ottonis, Romanorum imperatoris [M] et invictissimi augusti.
Adelbertus cancellarius, ad vicem [.....] Petri [.....] episcopi et
archicancellarii, recognovi et subscripsi. Data .II. idus novembrium,
anno Domince incarnacionis .DCCCCLXXXIII., indiccione .XI.,
regni vero domni secundi Ottonis .XXI., imperii quoque eius .XVI.
Actum Capue, feliciter, amen.
GRACIA autem Sedis Apostolice, a summo pontifice septimo Benedicto
privilegium accepit venerabilis abbas Iohannes, cuius
textus ita habetur.
|
|