itaque quas Grimizo filius Hildeprandi comitis contulit eidem monasterio,
sicuti in cartula donationis illius continentur, quę sunt in comitatu Firmano
sitę. simulque addidimus pro redemptione animę nostrę ex nostra largitate
eidem sancto loco districtum ministerii Sparzani cum omnibus pertinentiis,
et cum Campo Arsicio, quod prędictus Grimizo hactenus tenuit, ut quemadmodum
ille dominam nostram sanctam Mariam constituit hęredem de proprio,
ita et nos facimus de illo ministeriolo publico, ne forte, si alicui seculari
concederemus illud, ea occasione prędictas invaderet res. et in prędicto
comitatu Novę Casę castellum quod sibi contulit Atto filius Arderadi cum
suis pertinentiis, veluti in cartula concessionis illius leguntur. et in alio loco
ipsius comitatus castellum de Anganello, vel alia loca quę inibi condonavit
Alkerius comes, qualiter in sua cartula referuntur, vel alię res quę moderno
tempore in ipso comitatu acquisitę sunt. in comitatu Sabinensi in loco Ortellę.
et res quas contulit ibi Iohannes pręsbiter cum suis consortibus. et
[eas] quas [ibi] Octavianus cum Rogata coniuge sua in iam dicto comitatu
sepedicto monasterio optulit, ut in sua concessione habentur. et quas Leo
filius Bezonis condonavit in loco Moiano. insuper etiam [nostra] imperiali
pręceptione iubemus sub omni contestatione, ut omnia [illa] scripta quę Gratianus
invasor rerum ęcclesię Sanctę Marię de Minione, quę pertinet ad pręfatum
monasterium, fecit, confringantur et annullentur, et ad ipsum monasterium
redeant sine obligatione. in comitatu quoque Balbensi ęcclęsias
Sancti Peregrini et Sanctę Marię cum pertinentiis earum, in quibus comes
Oderisius noviter monachos locavit, quę antiquitus ipsius monasterii fuerunt
et modo reacquisitę sunt. [pręcipientes itaque iubemus, ut nullus dux, ępiscopus,
marchio, comes, vicecomes, iudex, schuldascius, aut aliquis rei publicę
procurator, seu aliqua nostri regni magna parvaque persona audeat
prędictum monasterium vel abbatem aut monachos eius ex his omnibus quę
in pręsenti pagina pręscripta sunt molestare aut inquietare vel disvestire.
si quis vero hanc pręceptionem nostrę constitutionis temerario infringere
conabitur ausu, sciat se compositurum quingentas libras auri purissimi, medietatem
camerę nostrę et medietatem suprascripto monasterio aut abbati vel
fratribus eius. quod ut vęrius credatur et firmius ab omnibus conservetur,
pręsentem paginam corroborantes manu propria nostro insigniri sigillo iussimus.
signum domni Heinrici invictissimi imperatoris augusti. Henricus
cancellarius vice Everardi ępiscopi et archicapellani recognovit. datum anno
dominię incarnationis millesimo .XIIII., indictione .XII., anno domni Heinrici
imperatoris augusti regnantis .XII., imperii eius .I. actum Romę, feliciter,
|
|