Boemie iuxta monasterium sancti Dionisii hospitatus est.
Ceteri namque principes ab ipso Sancto Dionisio usque ad
pusterlam Sancte Eufemie iuxta Mediolanum hospitati sunt.
Tunc autem Mediolanenses turrem, que dicebatur Arcus
Romanus, que valde fuerat maxima, ad videndum mira,
et que in capite burgi porte Romane extabat, iam armaverant;
supra quam ascendentes fere per octo dies defensaverunt.
Teutonici vero eam tota die expugnantes cum malleis
et securibus, sub arcubus ipsius turris maxima vi intraverunt,
et eam firmiter dissipantes: illi, qui supra turrem fuerant,
eam funditus destrui videntes nec defendere valentes valdeque,
ne cum ipsa turre in terra deicerentur, timentes, Mediolanensibus
nullum eis subsidium dare valentibus nec audentibus,
imperatori se statim tradiderunt. Deinde imperator
Mediolanenses de ipsa turre descendere faciens, suos in
ipsa ascendere iubens, scalas ad ipsam turrem apponere
fecit; postea super eam quandam optimam preteriam fabricare
fecit, que infra portam, que prope ecclesiam sancti
|
1
5
10
15
|