Mediolanensium, eos impulit magnamque ipsorum peditum
copiam et maxime ex porta Romana et porta Orientali,
que vulgariter dicitur porta Arienza, interfecit ac boves
ipsius carozoli occidit et ipsum carozolum incidit crucemque
deauratam, que supra perticam carozoli fuerat, atque vexillum
ibi positum abstulit ac multos ex ipsis tam equites
quam pedites ad tentoria duxit. Ex alia vero parte prelii,
ubi maior pars equitum Mediolanensium ac Brixienses
fuerant contra Novarienses et Cumenses ac alios multos,
qui fuerant ex eo capite prelii, unanimiter irruentes cohortes
Brixiensium ac Mediolanensium maximam de eis stragem et
maxime de Novariensibus fecere; ac ipsos capientes et multos
interficientes plus de duobus miliaribus fugaverunt. Interea
maxima pluvia orta ad castra redeunt. Paulo vero post
iterum Mediolanenses et Brixienses armis resumptis ad prelium
currunt. E contrario imperator videns se cum paucis
Teutonicis et non multis aliis relictum, decrevit esse pocius
bello cedere quam pugnando superari; sicque versus Cumas
|
1
5
10
15
|