Cuius in hoc titulo lectoribus acta notabo,
Atque Sibillino docmate dicta dabo.
Grandis ymago nimis potuit vix recta levari
Sepe levata satis, nulla valet arte iuvari,
Quin cadat ulterius, nam recidiva cadit.
Unius vetule tandem datur arte levari,
Cuius et ingenio potuit sic ipsa locari,
Ne cadat ulterius stetque vigore pari.
Set nec adhuc populus stabat sub ymagine tutus;
Demon ab hac statua sic est in plebe locutus:
Cum virgo pariet, tunc et imago cadet.
Turba negans partum de virgine posse creari,
Credidit hoc dicto statue rem perpetuari,
Dicens, quod numquam germina virgo parit.
Octavianus ad hec rex consulit ore Sibillam,
Ut Christi causas referat. Cui rettulit illa:
Maior te veniet, signa futura vide.
Arte Sibillina patuit sibi celitus ara,
Qua videt angelica manifestius agmina clara
Que puero regi celica regna parant.
In gremio matris stabat sapientia patris,
Dextra coronati pueri dat dona beatis,
Celitus emicuit gloria multa satis.
Cesar ait: Video miracula milia mille.
Territus obstupuit nimium dixitque Sibille:
Heu, minor hoc puero sum reputandus ego.
Scribe, Sibilla, michi, quisnam puer ille vocatur,
Quisve pater suus est aut que regina putatur,
Quod sibi fit regnum, quod diadema datur.
Retulit illa: Dei Deus est de flamine natus,
Virginis ex utero sine seminis arte creatus,
Perdita colligere rex sine fine datus.
Desine, cesar ait, Deus amodo nolo vocari,
Ille puer Deus est, quem mundus habet venerari,
Cui favet angelicus celus et unda maris.
His dictis, cesar puerum devotus adorat,
Nunc aras et thura parans offerre laborat;
Prima Deo celi tunc ibi thura dedit.
Post annos quinquagenos mensesque decenos,
Spiritus Augusti reddit sua tempora celo;
Surgit Tyberius nomine functus eo.
3. De fonte olei qui fluxit in Tiberim.
Magna taberna fuit tunc emeritoria dicta,
Emeritis ascripta viris, viteque relicta,
De qua fons olei fluxerat in Tiberim.
P. 151 v. 14 post parit addit A:] Tempore longevo cum grandis ymago stetisset,
Virgo parit, sed ymago cadit; que cum cecidisset,
Grandis in Urbe fuit clamor: Ymago ruit.
Verba prophetie cognoverat Octavianus
Atque putat iterum quod dixerat hoc simulacrum,
Credidit et natum virginitate datum.
et pergit:] Scire futura volens rex consulit ore Sibillam
Et petit ut causas etc.
|
|