Tremore concuti, pallore affici, sudore madefieri, mentem
perdere, caput huc illuc circumflectere. Stare attonitus, stupefactus,
turbatus; ignorare omnia, semet ipsum nescire; balbuttire,
verba infringere, inconditas interiectiones crebro emittere;
astantes non videre, circumstrepentium sonitum, loquentium vocem,
vociferantium etiam clamorem non audire. Timor et tremor
et ebitudo mentis cecidit super me; pelagus obduxit me, abissus
operuit caput meum, membra concutiuntur, viscera dissolvuntur;
cum adhuc sit dies nocturnę me tenebrę obduxerunt, vel circumvallant;
cum adhuc sol dilucidet aera, caligo me tenebrosa
obvelat, «necdum cęlo venientibus astris desuper in terram nox
funditur».
CIRCUMITIO "Mortuus est": viam universe carnis intravit, extremum
spiritum exalavit, carnea est egressus ergastula, diem clausit
extremum, venit ad mortem, mortem obiit, hominem exuit,
debitum letale persolvit, eius spiritus purum volavit ad ethera,
eius <spiritus> morsum, qui a vetiti mali morsu nomen
accepit, persensit; natura animantem carnem destituit, eius
quadriforme corporeum incorporeo virtutis triplicis destituitur,
eius quadrifidum a tripartito relinquitur, illius portio tripartita
virtute portionem materia quadripartita deservit.
"Gaudet": lętatur, exultat, iocundatur, tripudiat, gratulatur,
gaudio gaudet, exultat lętitia, iocundatione lętatur.
"Gratulare": iubila, facie serenare, exulta satis, plaude manibus,
illustra faciem, erumpe in vocem, exi in laudem, «insufflet
Boreas, pellantur nubila cuncta». Iocundare animo, serenare
aspectu, audiatur ex ore tuo clamor laudis, erumpat vox lętitię
et exultationis. Floreat omne nemus, ver assit, discedat hiems, adest
Phillis, venit «formosus Alexis».
"Vertit fortuna rotam": quę herebant in imis, in summis locata
sunt; «scissa est tellus arida in stagnum et sitiens in fontes
aquarum». «Excutere de pulvere, consurge»,
|
|