impulsus exaggerans, non magis proclivis
ad gemitum, quam ad casum, adventus
nostri tripudio praevio, et de Majestatis nostrae
desiderata praesentia, dignae consolationis sumpto
remedio, celerius sedaretur. Obstitit
verumtamen votis nostris, retardans in posterum
nostrae voluntatis affectum, improvisum
sacri Imperii regimen, divina clementia Magnificentiae
nostrae ditioni submissum. Cujus
non contemnenda religio, debitae gubernationis
habena submissa, inconsulte relinqui non
poterat, nec conniventibus oculis praeteriri.
Sub cujus salubri regimine provisa nostrae solicitudinis
linea, non sine grandi intranea consultazione
librata, prout nobis digna suggessit
provisio: sub cujus potentia celebri vita potimur,
et vincimus, fortuna nostris arridente
processibus: viribus hostium imperiose confractis,
quinimmo protinus enervatis, ad salubris
centrum gubernationis ducet, et status:
ut nec damni dispendium, nec culpae contagium,
otio negligentiae relegato, in Imperii
gubernatione continget. His igitur divina
consummatione peractis, adventum nostrum
in regnum, votivis affectibus a nostris fidelibus
devotius et diutius expectatum, antequam
praesentis mensis spatium lapsus dierum enumeret,
prompte promittimus, dubitatione
vacuum, et dilatione seclusum.
Cap. CXXX.
Item commendat Panormitanos de fidelitate,
et regratiatur eis de oblata pecunia.
Licet a primis parentibus in vos fidei transfusae
sinceritas, erga clarae memoriae dominum