quando sit futurum, quod nisi fecisset, vel falsus
esse crederetur, vel dies judicii a posterioribus
amplius non exspectaretur.
3. AUGUST. ( lib. De grat. et lib. arb ., c. 18, tom. VII).
Gratias agere . Hoc dixit ne forte de tanto bono, quod
ex Deo habebant, tanquam ex seipsis id habebant
[ al ., habentes], extollerentur. Quod ergo supercrescit
fides vestra , inquit, et abundat charitas uniuscujusque
vestrum, gratias agere debemus Deo , non
ita vos laudare, tanquam hoc ex vobis habeatis.
4. AUGUST. (lib. XXII Cont. Faust. , c. 20, ante finem). Tribulationibus
quas sustinetis . Hinc enim intelligitur
quomodo non parcatur impiis, tanquam praecisis ad
combustionem, quando justis non parcitur propter
perficiendam purgationem.
5. LANFR. Tribulationibus quas sustinetis . Tribulationes
quas sancti in hac vita tolerunt in exemplum
justi judicii Dei, quo judicabit reprobos in fine
mundi; qui enim sic horribiliter, et tamen juste,
judicat eos qui peccant, et prius peccata plangunt,
quam juste judicabit eos qui nunquam plangunt, et
tamen peccare non desinunt.
6. In exemplum justi judicii Dei . Vel, opera hominum
sunt exemplum, id est, ostensio, quod Deus
justus sit, in dando bonis bona, malis mala.
7. AMBROS. Admirabilis . Ordo est: admirabilis
fieri in die illo; vult dicere, admirabilis videbitur in
die illo in his qui crediderunt, et quod nostram
doctrinam suscepisti [ f ., suscepistis].
8. LANFR. Quia creditum . Causam reddit cur requiem
tribuat illis, quia videlicet testimonium quod
de die judicii super eos protulit, velut de loco altiori
loquens, creditum sit ab illis.
9. In die illo in quo . Ordo: in quo judicii die ut
dignetur (id est, dignos judicet) vocatione sua vos
|
|