gravissima necessitate, pariterque eorum, qui adhuc a Sarracenis
captivi tenebantur, redepmcione, multa predia, et possessiones
pariter quibusdam libellario ordine tradiderunt, sicut idem
abbas Maio testatur hoc modo scribens:
IN nomine Domini Dei et salvatoris nostri Iesu Christi. Anno
septimo imperantibus dominis Leone et Alexandro, et principatus
domini Aionis Beneventane civitatis, mense apreli, .XV.a
indiccione. Ideoque ego Maio, in Dei nomine abbas monasterii
Sancti Vincencii, quod fundatum fuit super fontem Vulturni fluminis,
manifestum facio, quoniam supradictum monasterium nostrum
iudicio Dei a Sarracenis captum, atque igne crematum seu
destructum esse dinoscitur, et cunctum thesaurum, seu omnia utensilia,
et sacra my[ni]steria ab eadem nefandissima Agarenorum gente
rapta atque depredata sunt, cetera vero igne cremata sunt. plurimi
autem ex fratribus nostris ibi capti et captivi ducti sunt; aliquanti
ex eis in ipsa captivitate degunt, et sub iugo eorum gemescunt,
alii vero ex fratribus nostris iugulati sunt, aliquanti, qui
|
|