'Flamme vigilant ad folles, in igne massa ferrea sepellitur, eandem coctam forceps incudi ministrat, malleus dat crebra verbera, ut magister, et sic massam format in opus duris ictibus percorreptam'.
21. (1) QUARE PLURA SUMMANTUR AB ANIMATO.
(2) Plura exempla transsuntionis ab homine sunta posuimus quia transsuntio quam a nobis recipimus et familiarior et suavior esse videtur quam que a rebus summitur alienis.
(3) Et est modus iste loquendi gravis et levis: nam gravitas est in inventione verbi sed levitas est in sensu. Quare diligentius est cavendum ne transsuntio sit turbida vel opaca.
22. (1) DE TRANSSUNTIONE ADIECTIVI.
(2) Si volumus urbane loqui debemus etiam transsumere adiectivum, ut nubem si qua fuerit a substantivo removeat aut ut lumen sibi plenius largiatur. (3) Nam si dixero: 'Iura mollescunt' vel: 'Iura rigent' non dum hec transsuntio bene lucet sed adiectivo posito elucescet, ut: 'Iura dispensatoria mollescunt, iura districta rigent' (nam dispensatio pietatis sed districtio