cenobium Hermeris suscepit regendum, quo post
annum defunto, Gracianus succedit.
HERMEPERTUS, abbas Sancti Vincencii, prefuit
Sacro cenobio annis .III., mensibus .II.,
diebus .XXVI., obiit .XI. kalendas aprilis, anno
Domini .DCCLXIII., indiccione .II. et in monasterio
Beati Benedicti graciano post annos .IIIIor
obuente, Tomichis eligitur. Et hoc post sex
annis mortuo, Poto preficitur.
IOHANNES <primus> abbas Sancti Vincencii.
Hic preceptum accepit a Gysulfo duce minore
continentem ita.
<DE SORA>
IN nomine domini Dei et salvatoris nostri Iesu Christi. Concesssimus
nos domnus vir gloriosus Gysulfus, summus dux gentis
Langobardorum, in monasterio Sancti Vincencii levite et martiris
Christi, ubi domnus Iohannes abbas preesse videtur, in territorio
Beneventano, ecclesiam Sancti marciani, quam edificavit Toto presbiter