qui exconmunicatus dicitur ferunt et sentenciam super
huiusmodi, tunc notarius ita scribat.
Sentencia iudicum contra suam coniudicem recusatum
vel exconmunicatum.
Cum inter P actorem ex una parte et R reum super
tali re ex altera coram nobis M et F, domini pape iudicibus
delegatis, orta sit materia questionis, idem R contra
iam dictum F coniudicem nostrum excepcionem exconmunicacionis
proposuit infrascriptam: coram vobis venerabilibus
viris dominis C F et M, domini pape ut dicitur iudicibus delegatis,
excipiendo ego dico R, vos domine F, qui iudicem delegatum
una cum predictis vos dicitis, et vos domini M et C cum eo non
posse procedere in causa quam P movet contra me seu movere
intendit vigore quarundam litterarum apostolicarum que per
dictum P ad vos impetrate dicuntur, pro eo quod ipse dominus F
tempore quo fuerunt dicte littere impetrate erat et nunc est maioris
exconmunicacionis sentencia innodatus pro violenta manuum
iniectione per ipsum facta in talem clericum. quod me offero
legittime probaturum.
Nos M et C, ipsius F coniudices supradicti, visis
et diligenter inspectis probacionibus etc. ut supra per totum.
c. Sentencia quando exconmunicatus ex officio iudicis
repellitur ab agendo.
In nomine domini amen.
Quia constat apertissime nobis fratri I permissione divina
cantuariensi archyepiscopo tocius Anglie primati, R de
tali loco exconmunicatum esse ob contumaciam exconmunicacione
maiori per venerabilem fratrem nostrum
dominum .. episcopum cystrensem dyocesis ipsius, prout
in ipsius domini episcopi litteris eiusdem sigillo munitis
vidimus contineri, idcirco eundem R in causa quam coram
nobis movet seu movere intendit P de tali loco super
ecclesia de .. ex officio nostro repellimus ab agendo, sentenciando
pronuncians, et pronunciando diffiniens, ipsum R
|
|