peruenisti de tuo negocio? Cui respondit D[imna]: Jam appropinquabit
salus et gloria secundum desiderium meum et
tuum. Et scias cum veritate quoniam tantas zizanias inter regem
et S[enesbam] seminaui, quod S[enesba] illesus a rege
non euadet.
Et surgentes K[elila] et D[imna] iuerunt ad leonem et
inuenerunt Senesbam superuenientem ei. Qui videns de leone
signa que dixerat ei D[imna], quomodo staret sollicitus super
suis pedibus et clauderet aures suas, et aperiret os et oculos
suos, et percuteret cum sua cauda in terram, credidit quoniam
leo intendebat ipsum interficere. Et dixit in corde suo:
Qui adheret regi erit in toto corpore suo in timore maximo,
sicut ille qui adheret serpentibus et feris in suis habitaculis;
quoniam non percipit homo finem bonum suum donec
offendetur ab illis. Et meditatus in hoc deliberauit insurgere
contra ipsum, et pugnare secum. Et videns hec leo credidit
quod relatum erat ei de eo. Et insurgens leo percussit
eum fortiter. Et percutientes se ad inuicem, multum pugnauerunt
vsque ad sanguinis effusionem, ita vt mortuus est
bos. Stabat itaque leo aduersus bouem et respiciens eum, et
tristatus est in sua mente.
Cunque vidisset K[elila] hoc factum, cepit reprehendere
D[imnam] dicens ei: Respice finem operum tuorum et
tui consilij, que pessima sunt; perturbasti enim leonem, et
interfecisti Senesbam, et subuertisti corda exercitus regis, et
corrupisti verba sua bona quibus laudabant te primo, et habebant
te odio nunc videntes maliciam tuorum operum,
quoniam impossibile est quod non manifestentur. Nonne
sciuisti aut audiuisti, quoniam malum consilium est, quando
quis querit bellum, cum possit transire et deuenire ad votum
suum absque bello et proditione? Debet autem quilibet euitare
bellum propter mala accidentia et importuna que in eo
sunt, maxime quando potest perueuire ad situm optatum
|
|