fugias, ut bonorum tramitem iuste teneas. Noli me velut hominem,
imperator, contempnere; Deum in nobis venerare, qui
per nos tibi loquitur. Ait enim ipse: Qui vos spernit, me spernit .
Noli oblivisci, quia infirmas mundi elegit animas, ut confundat
fortia . Elegit Petrum piscatorem, per quem sprevit Neronem
imperatorem. Nam cum ipse sit magnus in magnis, mirabilia
tamen operatur in minimis. Nulla potentia, nulla sapientia ,
nullum domicilium, nullum profugium contra Dominum , qui
brachia Pharaonis regis Egipti confregit et velut irsutam pecudem
Nabuchodonosor pascere fecit.
Hec, domne mi fili Henrice, victoriosissime princeps, non
contra te, sed propter te loquens invito, ammoneo, arguo, increpo,
obsecro, ut debeo, ut hec in memoria teneas, opere
compleas. Hoc enim cum sectaberis, obtinebis Daviticum
clementer imperium et Salomonis sapientissimum et pacificum
regnum eruntque tecum angeli Dei et quecumque iuste poposceris,
impetrabis. Plura scriberem, sed affectio in te animi mei
non est verbis extimanda, sed sincera fide contemplanda.
Quapropter licet hec sint brevia, sana tamen mente tritura,
ut per pauca, que suscipis, plurima in protentam proventionem
suscipias et terrenum regnum tibi rerum [dispensator] stabiliat
et perpetuum tribuat.
8
|
|