(35) Cito carina submergitur que a nauta ducitur imperito.
(36) Cursum agit velocius equus calcaribus incitatus.
(37) Cum subditi bene faciunt ad maiorum spectat gloriam et honorem.
(38) Canis inpudicus est filius qui parenti audet turpiter oblatrare.
(39) Caput languidum facit membra subdita egrotare.
(40) Divitie raro veniunt cum virtute.
(41) Dulcis est amicitia communicans res honestas.
(42) Dolet meretrix cum venter gravidus intumescit.
(43) Dispergit plus unus insipiens quam multi colligant sapientes.
(44) Displicere solet insipiens unde credidit plus placere.
(45) Dare communi utilitati operam est commoditatis proprie incrementum.
(46) Dignitatis honor est vacuus nisi splendorem contrahat a virtute.
(47) Distantes ignis gratiam non sentiunt ut vicini.