Galicianus respondit ei et dixit: " Ego veni ad te ut
audirem et viderem si est verum quod de te dicitur quia tu es
sapientior homo qui sit in toto mundo et scis unam artem
que facit unam avem capere aliam. Et ego volo esse tuus discipulus. "
Cui rex Dancus dixit: " Venite cras mecum, et videbitis
quid faciunt aves mee. "
Alia die ivit in campum secum, et quando vidit volare
aves, placuit ei et dixit: " Bene est verum quod audivi " ,
et cepit multum obedire ei. Mane vero Dancus interogavit
Galicianum quid placebat ei.
Cui dixit Galicianus: " Volo remittere omnes meos homines
qui mecum sunt, et remanebo pro tuo discipulo. "
Cui rex Dancus respondit: " Ego non sum dignus ut tu
sis meus discipulus, verumtamen si tu multum affectas artem
istam scire, si tu habes filium, mitte ipsum ad me, et ego
amore tuo docebo eum omnia que scio et que invenire potero. "
Cui dixit Galicianus: " Multum mihi placet id quod
dicis. "
Et accepta ab eo licentia, rediit ad patriam suam, et
fecit ad se venire Anarem filium suum et dixit ei:
" Vis tu, fili, ire ad adiscendum artem falconum? "
Et respondit: " Volo, pater. "
Et misit eum ad curiam Danci regis. Rex vero Dancus
honorifice eum recepit et eum docuit de arte falconum, sparaveriorum
et astorum. Ille vero tam supertilis ingenii fuit
quod in uno anno didicit omnia quecumque rex Dancus de
ipsa arte sciebat.
|
|