De regulis cursus.
In fine longe subdistinctionis, distinctionis et clausule debet cursus
obseruari, et est omnis cursus in epistolari dictamine uel trium uel quatuor
sillabarum. In cursu trium sillabarum si penultima finalis dictionis acuitur
penultima precedentis debet simil[l]iter acui, ut Honestum uenerari magistrum.
Si penultima finalis grauatur penultima precedentis debet simil[l]iter
grauari, ut Uir iustus dil[l]igit Dominum ; sed hoc cursu raro est utendum.
In cursu quatuor sillabarum si penultima finalis grauatur penultima precedentis
debet acui, ut Teneor magistrum dil[l]igere, qui mihi pocula propinat
scientie. Si penultima finalis acuitur penultima precedentis debet grauari,
ut Magistrum affectuosissime dil[l]igatis, qui uobis propinat scientie pocula
salutaris.
Quot modis fiat cursus trium sillabarum.
Cvrsus trium sillabarum fieri potest dupliciter, aut per dictionem
trisillabarum simpliciter, ut Odimus malignos , aut per bisillabam et monosillabam
precedentem, ut Loquimur de Deo. Est etiam hic cursus trium
sillabarum, Petrus bonus est dominus.
Quot modis fiat cursus quatuor sillabarum.
Cursus quatuor sillabarum potest fieri quadrupliciter. Primo per tetrasillabam
dictionem simpliciter, ut Abhor(r)eamus pec(c)amina que nos ducunt
ad tartara tenebrosa. Secundo per duas bisillabas, ut Ueneremur Dominum
Deum nostrum. Tertio per trisillabam et monosillabam precedentem,
ut Etas disputabitur a magistro. Sit etiam secundum quosdam per mo(no)s[s]illabam
subsequentem, ut Magister nobis benignus est. Quarto per bissillabam
et duas monosillabas precedentes, ut A magistro discite qui est
prudens.
Notabilia circa cursum trium et quatuor sillabarum.
In cursu trium sillabarum cuius penultima grauatur, et in cursu iiijor
sillabarum cuius penultima acuitur, oportet dictionem esse trisillabam uel
deinceps uel simpliciter uel per equipol(l)entiam, cum ipsius precedentis
penultimam necessarium sit grauari. In alijs uero cursibus precedens dictio
bis[s]il(l)aba potest esse.
Que sunt attendenda in cursu trium nel quatuor sillabarum.
In cursu trium sillabarum uel in cursu iiijor sillabarum, quando penultima
finalis dictionis grauatur, utendum est in subdistinctionibus et distinctionibus
non nimis longis. Cursu uero quatuor sillabarum, quando penultima
finalis acuitur, utendum est in fine longarum distinctionum et clausularum;
|
|