Thomas de Celano: Legenda ad usum chori

Pag 431


perquirit, nihil impune relinquens, ipsos summe obedientes facit.
Abstinentia summa praeditus, appositorum sapores immutat, vinum
perraro gustans, etiam insufficienter aquam ebibit; nuda humus lectus
eius, saepius sedendo quam iacendo dormitat. Ut abiectus reputaretur
et vilis, plura simplicitatis ostenta effecit, fugiens in
omnibus admirationem, ne incurreret vanitatem. Honorabat praecipue
sacerdotes, et divinae legis doctores miro venerabatur affectu.
<B>7</B> Amplioris gratiae munere dignus effectus, abundantius Spiritus
sancti rore perfunditur. Nam in solari specie, quadriga vectus,
inter medias noctis tenebras visitat fratres, conscientias discutit,
<I>occulta cordium</I> aperit, absentium acta cognoscit et merita futura
praedicit. Ad summum perfectionis apicem sanctus iste pertingens,
<I>columbina simplicitate</I> plenus, omnes creaturas ad Creatoris hortatur
amorem. Praedicat avibus, auditur ab eis, tanguntur ab ipso,
nec nisi licentiatae recedunt. Garriunt hirundines, nec sinunt eum
populo loqui; silentium indicit et statim quiescunt. Silvestres bestiae

Torna all'inizio