IUDICATUM DE LISINE.
IN nomine Domini. Anno tricesimo septimo principatus domni
Pandulfi gloriosi principis, et duodecimo anno principatus domni
Landolfi magni principis filio eius, mense augusto, ottava indiccione.
Memoratorium factum a nobis Sadi, venerabili presbitero
atque preposito monasterio Sancti Vincencii, situs supra fontem
Vulturni fluminis mecum habentem Audoaldus advocatorem ipsius
monasterii, de hoc quod in sacratissimo archiepiscopio Sancte Beneventane
Sedis, ante presenciam domni Landolfi almifici archiepiscopi
eiusdem sedis, ubi coram eo presencia residebat Ludovicus,
et Dauferi gastaldeus atque iudex eiusdem Beneventane civitatis,
ibique adessent Dauferi gastaldeus, et Adelmari comes, et Radelchis
aliosque nobiles testes, adiuncximus nos in iudicio cum Falco
filio Dardani episcopi, qui et Iohannes vocatur, commorantes de
civitate Lisine; et dum coniuncti fuissemus, ideo ostendimus ei
una scripcione, que est iudicato continentes inter cetera, quomodo
presencia Maionis iudicis, qui aderant ante vestigia supradicti
domni Pandulfi gloriosi principis, venerat domnus Paulus abbas
ipsius monasterii, erga se habentem Iaquintum notarium advocatorem
predicti monasterii; ex parte enim altera venerat ipse prenominatus
Falco, adversus quem ipse supradictus domnus Paulus
abbas cum predicto suo advocatore, ostenderat sex scripciones
ipsius monasterii, que supradicta gloriosa potestas per ordinem relegere
|
|