Sabinensi, idest ęcclesiam Sancti Benedicti, et curtem Sancti Gethulii, et castellum
de Tribuco, et podium filiorum Palumbę, et alveum Pharphę totum.
et hęc omnia cum omnibus suis pertinentiis, in integrum. ęcclesiam Sancti Angeli
in Tancia cum gualdo et omnibus pertinentiis, castellum de Bucciniano, et
Roccam in integrum cum Massa a papa Benedicto ipsi monasterio collata, castrum
Pharę. hęc iterum omnia simili modo cum omnibus suis pertinentiis et
subiacentiis. terram de Ortelle. in civitate Ortana ęcclesiam Sancti Theodori
in integrum. in Viterbe ęcclesiam Sanctę Marię in integrum. in Tuscano
cellam Sanctę Marię iuxta fluvium Minionem cum gualdo, et cum ipso
monte Gosberti, seu et Ripa Alvella, et marino portu. in comitatu Narniensi
monasterium Sancti Angeli, et ęcclesiam Sancti Antimi in integrum.
in comitatu Perosino cellam Sanctę Marię in Diruta, et Sancti Apollinaris,
et Sancti Blasii, et Sancti Montani cum ęcclesiis, castellis, villis et omnibus
pertinentiis et adiacentiis suis. et iuxta Tyburtinam civitatem ęcclesiam Sancti
Adriani in integrum. in Collina ęcclesiam Sancti Andreę cum omnibus
suis pertinentiis. in urbe Roma ęcclesiam Sanctę Marię, et Sancti Salvatoris
cum criptis et muris, et Campum Agonis in integrum. in comitatu
Asisino cellam Sancti Benedicti in integrum. in comitatu Firmano cellam
Sanctę Marię in Clienti, et monasterium puellarum quod dicitur Sancti Salvatoris,
et ęcclesiam Sancti Benedicti in Ripa, et cellam Sanctę Victorię cum
omnibus earum pertinentiis et adiacentiis. in comitatu Asculano cellas, unam
Sancti Salvatoris iuxta fluvium Asum, alteram Sanctę Marię in Ophida, in
integrum. in comitatu Teatino cellam Sancti Stephani in integrum. in
comitatu Senogalliensi curtem de Luzano. in comitatu de Camerino curtem
de Salabona. in comitatu Ausimano curtem de Monte Pulisco in integrum.
hanc ergo maiorem et principalem Sanctę Dei genitricis ac virginis Marię
ęcclesiam in Pharpha, cum omnibus supra dictis et aliis etiam cellis suis maioribus
et earum ęcclesiis minoribus, cum castellis, vicis et oppidis, terris cultis
et incultis, pratis, pascuis et vineis, silvis, aquis, aquarum decursibus, piscariis
et piscationibus, portibus maris et littoribus, et universis quantiscumque
qualibuscumque pertinentiis, et cum omnibus quę a Romana Sede obtinet
per apostolica privilegia, vel ab imperatoribus et regibus per pręcepta, immotam
et inquietam ab omnibus esse sancimus. et quodcumque sibi a
quibuscumque fidelibus Christi concessum est vel in perpetuum concedetur,
si divinę pietatis respectum desiderat, nullus invadat, nullus minuat vel suptrahat.
si quis enim piam Matrem Domini scienter offenderit, bonam voluntatem
Filii eius unigeniti immo et primogeniti Salvatoris nostri habere
omnino non poterit. decimas et oblationes mortuorum quiete ista teneat
|
|