istum laberinthum, nostin ? iuxta Rodani
fluenta coniecit. Sed quem laberinthum, non
solum inextricabilem, sed obtenebratis ambagibus
dedalatum, ut ipse qui uorticibus illum
fabricauerit, expedire nesciat, nec uestigia
regere ceca filo. Quot hic manipuli furum ?
Sed quot luporum agmina hanc mundi sentinam,
uelut in totius orbis cloaca, uitiorum
putrissima conglobata rapacibus libidinum ululatibus
complent ? quot Tantali ? quotque Titii ?
Tartarus ipse succumberet. Hic ambitio alta
ceruice uagatur. Hic inflatio spirituum dominatur.
Hic omne quod deest, ignotio dei determinat
sufficitque. Si aliquis forsan scientia clarus
huc se contulerit, re sine nullus erit, abiectus,
oppressus, et longa persepe expectationis ma-
ceratione confectus. Quid plura ? nisi hanc gradiuus
pater miseratus ex alto uti iam cepit
absoluat, excutiatque loculos et crumenas: flendum
est miserabiliter, dum non aduertant, quod
nullus argento color est auaris abdito terris,
nisi temperato splendeat usu. Verum si