Paulus Camaldulensis: Donatus

Pag 109


<VI.> DE VERBO SECUNDUM DONATUM
Verbum quid est? Pars orationis cum tempore <et persona> sine
casu aut agere aliquid aut pati aut neutrum significans. Verbo quot
accidunt? Septem. Quae? Qualitas, coniugatio, genus, numerus, figura,
tempus, persona.
Qualitas verborum in quo est? In modis et in formis. Modi verborum
qui sunt? Indicativus, ut lego; imperativus, ut lege; optativus, ut
<utinam> legerem; subiunctivus, ut cum legam; infinitivus, ut legere;
impersonalis, ut legitur. Formae verborum quot sunt? Quattuor. Quae?
Desiderativa, ut vis[i]o visis; meditativa, ut lecturio; frequentativa, ut
lectito; inchoativa, ut fervesco, [ca]calesco.
Coniugationes verborum quot sunt? Tres. Prima in a, secunda in
e, tertia in i.
Prima quae est? Quae indicativo modo tempore praesenti numero
singulari secunda persona verbo activo et neutrali habet a productum
ante novissimam litteram, passivo communi et deponenti ante novissimam
sillabam, ut amo amas, amor amaris; et futurum tempus eiusdem
modi in bo et in bor sillabam mittit, ut amo amabo, amor amabor.
Secunda quae est? Quae indicativo modo tempore praesenti numero
singulari secunda persona verbo activo et neutrali habet e productum
ante novissimam litteram, passivo communi et deponenti an
te novissimam sillabam, ut doceo doces, doceor doceris; et futurum
tempus eiusdem modi in bo et in bor sillaba<m> mittit, ut doceo docebo,
doceor docebor.
Tertia quae est? Quae indicativo modo tempore praesenti numero
singulari secunda persona verbo activo et neutrali i correptum vel
i productum habet ante novissima<m> litteram, passivo communi et
deponenti pro i littera e correptum vel i produetum habet ante novis
simam sillabam, ut lego legis, legor legeris, audio audis, audior audiris;

Torna all'inizio