14. (1) DE NUMERO EXORNATIONUM QUE AD VERBA PERTINENT.
(2) Dignitas est que orationem quarundam exornationum varietate colorat. (3) Exornationes autem verborum sunt XLV, scilicet repetitio, conversio, complexio, traductio, contentio, exclamatio, interrogatio, ratiocinatio, sententia, contrarium, membrum, articulus, continuatio, compar, similiter cadens, similiter desinens, annominatio, subiectio, gradatio, diffinitio, transitio, correctio, occupatio, disiunctum, coniunctio, adiunctio, (4) conduplicatio, interpretatio, commutatio, permissio, dubitatio, expeditio, dissolutum, precisio, conclusio, nominatio, pronominatio, denominatio, circuitio, transgressio, superlatio, intellectio, abusio, translatio et permutatio.
15. (1) DE NUMERO COLORUM SENTENTIARUM.
(2) Colores autem sententiarum sunt isti XIX: distributio, licentia, diminutio, descriptio, divisio, frequentatio, expolitio, commoratio, contentio, similitudo, exemplum, imago, effectio, notatio, sermocinatio, conformatio, significatio, brevitas et demonstratio.
16. (1) DECALOGUS VITIORUM.
(2) Elegantie, compositionis et dignitatis a Donato x vitia communiter assignantur. Nam quedam ex illis elegantiam, quedam compositionem, quedam impediunt dignitatem. (3) Quorum primum est achirologia, id est abusio dictionis male translate,