Pag 169

et mandata eius observans, et in cuius prudentia et consilio
maxime confidebat imperator.
Henricus dux Saxonie …et erat mediocriter
magnus, bene compositus, viribus corporis valens, magna
facie, oculis magnis et nigris, capillis quoque quasi nigris;
alti cordis, in diviciis et potentia pollens; genere nobilissimus
et filie quondam Lotharii imperatoris filius.
Fredericus dux de Rottemburgo, qui regis Conradi patrui
imperatoris Frederici fuit filius, erat magnus, pro etate fortis,
virtutis cupidus, bene compositus, grossus, spissus, albus,
pulcer atque formosus, hilaris, iocundus, capillis quasi albis
et mollibus.
Otto comes palatinus de Guitelenspac, qui et pallizusgravus
dicebatur, erat magne stature, formosa et spissa membra
habens; severus, sapiens et in consiliis providus et in
bello fortissimus; longis capillis quasi nigris, oculis magnis,
facie lunga et quasi rubicunda; imperatori ac imperio maxime
fidus et ab imperatore non modice dilectus eiusque consanguineus
erat.
Comes Redulfus de Lindo erat magne ac spisse stature,
formosissimis et rectis membris, venustam et pulcherrimam
ac hilarem faciem habens, capillis candidis et longis, oculis
magnis et claris, sapiens ac bellicosus, et quo pulcrior in
exercitu imperatoris nullus inveniretur.