Guido Faba: Dictamina rhetorica

87


nuntium veniatis rationem facturi domino episcopo prelibato;
ut saltem hac vice causa debitum sumat initium
et processum. Alioquin, quantumcumque universitati vestre
velimus placere pariter et servire, tamen, quia iuri deesse
non possumus nec debemus; ex tunc mandatum apostolicum
quod videmini plurimum contempsisse, contra vos, in quantum
poterimus, curabimus exercere.
CLXXIII.
Qualiter tres termini una littera prefigantur.
Noveritis nos tales litteras a summo pontifice recepisse:
Gregorius et cet . Unde auctoritate domini pape vobis mandamus,
ut die tali per vestrum syndicum legitime constitutum
ad nostram presentiam veniatis pro ratione facienda domino
Imolensi episcopo. Quod si non veneritis, die tali pro secundo
termino veniatis. Quod si tunc non venietis, die tali quem vobis
pro termino peremptorio assignamus, venire postposita mora
non tardetis. Alioquin ex tunc contra vos, in quantum de
iure poterimus, procedemus.
CLXXIIII.
Littera excommunicationis contra contumaces.
Venerabili in Christo patri et domino B. Dei gratia
episcopo talis loci, magister Guido cum devotione salutem. Presenti
pagina vestra benignitas recognoscat, quod litteras a
domino papa recepimus in hunc modum: Gregorius et cet.
Cum autem dicti cives per nos citati legitime apostolici mandati
extiterint contemptores, eos tamquam contumaces excommunicavimus,
iustitia exigente; quam sententiam auctoritate
qua fungimur vobis mandamus ut servetis, et nuntiari ac
servari per vestram civitatem et diocesin faciatis, quousque
super his mandatis Ecclesie satisferint competenter.

Torna all'inizio