sanctae Mariae .V. librae cerae et .IIII. denarii pro iuncis.
In Annuntiatione totidem. In Dominica palmarum acolitis .XII.
denarii pro palmis; mansionariis Sancti Petri totidem pro palmis.
In letaniis maioribus .XXVII. librae lucenses pro presbiterio crucum,
et lectis, et lobiis, episcopis et cardinalibus, et omnibus scholis
palatii. Pro elaemosina sanctae Rufinae, et sanctorum Quatuor,
et sancti Clementis, et sancti Pancratii .I. aquaricia olei et .V. librae
cerae et dimidium de olibano; et in unaquaque [h]ebdomada pro
elaemosinis pauperum .X. solidi lucenses, dum strata currit, extra
id quod datur eiectis; et de olibano abundanter serviant beato Petro,
et omnia alia iura observant. Sententialibus praefecti, si suspendunt
aliquem, .V. solidi; quando decollant, similiter; quando caecant .XII.
denarii pro unoquoque oculo; quando truncant aliquod membrum,
similiter. In stationibus, quando portant mansionarii crucem, .I.
denarius papiensis.
DE [H]EBDOMADIBUS QUALITER DIVIDUNTUR PER ORDINES.
45. Certum est, nos canonicos basilicae Beati Petri, praeter alias
rationes et consuetudines, quas habemus in oblatione missae altaris
maioris Beati Petri, de antiqua consuetudine, habere semper decimam
[h]ebdomadam de .XI. [h]ebdomadibus totius anni, quae sic
dividuntur: septem primas [h]ebdomadas accipiunt .VII. cardinales
Sancti Petri; octavam [h]ebdomadam accipiunt diaconi cardinales,
praeter dominicalia totius anni, quae ad eos spectant, excepta Dominica
palmarum et Pascha, et nisi forte sit statio; nonam [h]ebdomadam
cantores; decimam [h]ebdomadam canonici ecclesiae;
undecimam schola basilicae. Qua finita, reincipiunt praedicti cardinales
Sancti Petri a capite, et sic fit per totum annum. Oblatio
itaque quae spectat ad [h]ebdomadam, est illa quae venit ad manus
cardinalis cantato evangelio, et quae venit ad altare posito calice,
|
|