Lanfrancus Ticinensis: In omnes epistulas Pauli commentarii, cum glossula interiecta

Pag 202


autem duplex bonum est; loqui vero lingua incognita
sibi et aliis, simplex; quod est, qui enim loquitur
lingua, simplex bonum est, quia Deo loquitur,
Deo tantum, non enim hominibus; non
enim intelligitur. Qui vero prophetat, duplex bonum
facit; Deo enim loquitur et hominibus. Et de alia
specie, quae est, qui loquitur lingua sibi tantum cognita,
eadem sunt argumenta.
4. In revelatione . Revelatio est, qua per Spiritum
sanctum, in quocunque tempore, aliquid subito
indicatur.
5. In scientia . Scientia est cognitio studio et
industria comparata.
6. In prophetia . Prophetia de futuris tantum, doctrina
genus omnium.
7. Tam multa, ut puta . Quasi diceret: Non est
mirandum si per linguam datur sermo non manifestus;
quia videlicet multa sunt genera, et nihil
illorum est quod non habeat propriam et distinctam
a caeteris vocem.
8. Oret ut interpretetur , id est, intelligat ipsam
linguam, et sic exponat. Plerumque enim Spiritus
loquebatur per os hominis extranea lingua, et tamen
homo non intelligebat ipsam linguam, aut in
ipsa lingua mysteria prolata.

Torna all'inizio