amittit, qui bonum deserit et malum facit.
19. Patientia . Ostendit quomodo non amittitur
confidentia: In patientia enim, inquit, possidebitis
animas vestras .
CAP. XI.—1. LANFR. Est autem fides Talis debet
esse fides ut sperandas res in corde credentis faciat
subsistere, etsi alius dubitet quod sine argumento
possint esse: quod plerique divini eloquii tractatores
fecerunt, probantes resurrectionem corporum
et vitam aeternam, multaque alia esse vel fuisse ex
eo quod patriarchas, prophetas, apostolos, martyres
constat ea credidisse.
2. Invisibilis . Invisibilia erant elementa ante
mundi constitutionem.
3. Damnavit mundum . Per arcam Noe damnavit
mundum; quia tanto majus peccatum habuerunt
homines, quanto majorem ejus in fabricanda arca
instantiam videbant, et non credebant.
4. Ab uno orti . Ordo: Ab uno et hoc emortuo orti
sunt tanquam, etc.
|
|