Iohannes Monachus: Chronicon Vulturnense, II

Pag 93


quod positum est in Salerno; seu et monasterium Sancte Marie in
territorio Marsicano, quod situm est in loco Apinianici
una cum
castris, cappellis, titulis, casis, terris, vineis, campis, pratis, pascuis,
silvis, piscariis, molendinis, aquis, aquarumque decursibus,
servis et ancillis ad prelibatum monasterium respicientibus in integrum
Christi videlicet Martyris Vincencii, quod positum est in
finibus Beneventanis. Statuimus insuper hac nostra preceptali auctoritate
decrevimus, ut si aliqua intencio orta fuerit de rebus, et
familiis eiusdem monasterii, liceat advocatorem suum per inquisicionem
circa manencium liberorum hominum, sicut lex habet, hoc
definire, et cum definitum fuerit, tunc demum ipsas res et familias
pars predicti cenobii nostra preceptali auctoritate habeat atque
possideat iure quieto. Precipimus preterea pretaxatum monasterium
cum omnibus pretaxatis monasteriis ac cellis, rebus quoque
ac familiis ibidem aspicientibus una cum fratribus, ac monachis
ibidem Deo famulantibus sub nostre tuicionis munburdum. statuentes
ut abbates et prepositi eiusdem loci, iuxta priscam consuetudinem
ad communem utilitatem fratrum sua disponant, absque
alicuius contradiccione. precipientes itaque iubemus, ut nullus
dux, marchio, comes, vicecomes, castaldeus, seu quelibet regni
nostri magna, parvaque persona res predicti monasterii invadere,
seu omnes liberos et servos distringere, pignorare, seu molestare
audeat, absque legali iudicio, neque pensionem ab eis iniuste exigere
presumat. Si quis igitur huius nostri precepti confirmacionem

Torna all'inizio