Dei incorruptela. Ergo isti non possidebunt
illud.
37. AMBROS. Seminatur corpus animale . Animale
corpus est, dum cibis sustentatur, ut vivat;
spirituale, cum nihil horum indiget conversum in
vitam.
38. LANFR. Seminatur corpus animale . Essentia
illa qua humanum corpus vivificatur, ex qua sui
parte vivificat et terrena appetit, anima dicitur. Ex
qua autem sui parte, ratione utitur et Deum diligit,
rationalis appellatur. Hinc dicitur: Seminatur in
terra corpus animale, id est corruptibile quod terrena
appetebat, surget corpus spirituale, id est, voluntatem
spiritus per omnia faciens, neque spiritui
resistens.
39. AUGUST. ( ibid. ). Si est corpus . Intelligitur ergo
corpus animale dici simile caeteris animalibus, propter
mortis dissolutionem et corruptionem, quae
quotidie cibo reficitur, et postea separata, animantis
compago [ al. , compage] dissolvitur.
40. LANFR. Si est corpus animale . Cum dicitur
corpus, frustra adderetur animale, nisi esset aliud
corpus spiritale, ad cujus discrepantiam vocaretur
animale.
41. Sicut scriptum . Deest assumptio, si est corpus
animale, et hanc probat.
42. Factus primus homo . Habuit primus homo
animam vitalem et spiritualem, id est, rationalem,
secundum quam Adam et qui ex eo orti sunt victuri
erant.
43. Novissimus Adam . Habuit novissimus Adam,
id est, Christus, animam vitalem et spiritualem, sed
illius tantum partis mentionem facit, secundum
quam ipse Christus et imitatores ejus magis victuri
erant. Nec hoc in Genesi scriptum reperitur, sed ab
Apostolo superiori sententiae additur.
44. Sed non prius quod , id est; prius terrena
|
|